Jóhann Berg átti eitt af mörkum ársins

Jóhann Berg Guðmundsson var að leika sitt síðasta tímabil með AZ Alkmaar og kvaddi með glæsimarki.

Markið skoraði Jóhann Berg með þrumufleyg í leik AZ og ADO Den Haag í nóvember síðastliðnum en það reyndist hans næstsíðasta mark með félaginu. Það var eitt af mörkum tímabilsins sem má sjá í samantektinni hér fyrir neðan.

Alls skoraði hann þrjú mörk með AZ á tímabilinu og alls 25 mörk í 172 leikjum á ferlinum.

Samningur hans við AZ rennur út í sumar og hefur hann verið orðaður við lið víða um Evrópu.