Pirlo að skrifa undir nýjan samning við Juventus

Andrea Pirlo, miðjumaður Juventus og ítalska landsliðsins, sagði frá því í viðtali við Gazzetta dello Sport að hann sé að fara að skrifa undir nýjan tveggja ára samning við ítölsku meistarana.

Núverandi samningur Pirlo og Juventus rennur út í sumar en hann hefur verið hjá félaginu frá árinu 2011 og er lykilmaður á miðjunni í liði Antonio Conte.

Andrea Pirlo er orðinn 34 ára gamall en hann verður með ítalska landsliðinu á HM í Brasilíu í sumar. „Við höfum svo gott sem náð samkomulagi. Ég vona að þetta verði tilkynnt á næstu dögum," sagði Andrea Pirlo við Gazzetta dello Sport.

Andrea Pirlo hefur orðið ítalskur meistari undanfarin fjögur tímabil, fyrst eitt 2010-11 með AC Milan og núna þrjú ár í röð með Juventus.

Andrea Pirlo var með 4 mörk og 6 stoðsendingar í 29 leikjum á þessu tímabili en hann var kosinn besti leikmaður ítölsku deildarinnar 2012-13

Juventus spilar lokaleik sinn á tímabilinu um helgina og getur þá orðið fyrsta félagið í sögu ítölsku deildarinnar til að ná hundrað stigum. Juve nægir jafntefli á móti Cagliari til að ná því.