Alþingi samþykkir tillögu Pírata um mótun vímuefnastefnu

Alþingi hefur samþykkt þingsályktunartillögu þingflokks Pírata um mótun stefnu til að draga úr skaðlegum áhrifum vímuefnaneyslu.

Í kjölfarið verður skipaður stýrihópur af heilbrigðisráðherra sem meðal annars mun taka til skoðunar félagslega þjónustu fyrir vímuefnaneytendur, leiðir til að efla forvarnir og upplýsta umræðu í samfélaginu, og hvort afnema skuli refsingar fyrir vörslu á neysluskömmtum.

Á vefsíðu Pírata er meðflutningsmönnum frumvarpsins þakkað fyrir stuðninginn en meðal stefnumála Pírata fyrir síðustu kosningar var að endurskoða refsistefnu í vímuefnamálum.

Nánar má lesa um þingsályktunartillöguna á vefsíðu Pírata.