Frank Lampard verður varafyrirliði Englands á HM

Frank Lampard verður varafyrirliði Englands á HM í Brasilíu í sumar.Landsliðsþjálfarinn Roy Hodgson greindi frá þessu í viðtali sem birtist á heimasíðu enska knattspyrnusambandsins.

"Frank hefur alltaf verið varafyrirliði í fjarveru Stevens Gerrard. Hann hefur tvisvar þurft að leysa hann af og gert það frábærlega," sagði Hodgson.

"Ég hef alltaf litið á hann sem mikilvægan hluta af leikmannahópnum vegna reynslu hans og annarra eiginleika fyrir utan fótboltahæfileikanna," sagði Hodgson ennfremur, en England leikur þrjá vináttulandsleiki í aðdraganda HM, gegn Perú, Ekvador og Hondúras.

Hodgson sagði einnig að Gerrard gæti notað HM til að komast yfir vonbrigðin sem fylgdu því að missa af Englandsmeistaratitlinum með Liverpool.

"Hann verður að kyngja vonbrigðunum og einbeita sér að HM sem ég er fullviss um að hann geri," sagði landsliðsþjálfarinn.