Telja ólöglega staðið að uppsögnum hjá Vísi

Stéttarfélagið Framsýn hefur fengið fund með Vinnumálastofnun og lögfræðingum félagsins í næstu viku. Félagði telur ólöglegt að fiskvinnslufyrirtækið Vísir hf. beini starfsmönnum fyrirtækisins á atvinnuleysisbætur frá og með 1. maí í stað þess að greiða þeim kjarasamningsbundinn uppsagnarfrest.

Í tilkynningu frá Framsýn segir að eftir fundinn næsta miðvikudag verði ákvörðun tekin um framhald málsins.

Eins og fram hefur komið hefur Vísir hf. ákveðið að loka starfsstöð fyrirtækisins með mánaðar fyrirvar og var síðasti vinnsludagur í fyrirtækinu síðasta fimmtudag.

Framsýn vísar til þeirra starfsmanna sem ekki munu flytja sig um set til Grindavíkur.