Gamla skipasmíðastöðin í Kaupmannahöfn, þar sem söngsveitin Pollapönk heillaði evrópska sjónvarpsáhorfendur í gærkvöldi, tengist siglingasögu Íslendinga með sterkum hætti. Þar voru smíðuð nokkur af glæstustu skipum Eimskipafélags Íslands á síðustu öld, þeirra á meðal farþegaskipið Gullfoss, það síðara sem bar það nafn.
B&W-hallerne heitir tónlistarhöllin upp á danskan máta í dag eftir að henni var breytt til að hýsa söngvakeppni evrópskra sjónvarpsstöðva. Áður var þar skipasmíðastöðin Burmeister & Wain, en hún varð gjaldþrota árið 1996. Þar var Gullfoss sjósettur árið 1949 og afhentur Eimskipafélaginu vorið 1950. Gullfoss var helsta stolt Íslendinga og flaggskip íslenska skipaflotans í nærri aldarfjórðung eða þar til skipið var selt úr landi árið 1973.
Emskipafélagið hafði eftir stríðslok samið við Burmeister & Wain um smíði fjögurra skipa. Hin þrjú voru systurskipin Goðafoss, Dettifoss og Lagarfoss, oft nefndir „þrílembingarnir“, en þau voru afhent á árunum 1948 til 1949.
Gullfoss tengist einnig tónlistarsögunni. Sigfús Halldórsson samdi dægurlag til heiðurs skipinu; „Gullfoss með glæstum brag“, sem Ellý Vilhjálms söng og gerði frægt. Þá sýndi Stöð 2 þátt um skipið árið 1992.
Sönghöllin sem tengir Pollapönk og Gullfoss
Tengdar fréttir
Talandi um að ná augnablikinu - myndband
Þeir voru ansi niðurlútir á þeirri mynd. Það leit ekki vel út á þeim tíma.
Voru búnir að afskrifa þetta - sjáðu myndbandið
Þetta var fáránlegt, sagði Heiðar Arnar Kristjánsson í gærkvöldi eftir að ljóst var að Pollapönk komst áfram upp úr undanúrslitunum í Eurovision í ár.
Bílahjal Jóns Gnarr kostaði hann Pollapönk
Borgarfulltrúar rifust um Pollapönk á meðan Alþingismenn sendu fallega kveðju.
