Ari Freyr skoraði í sigri OB í Íslendingaslag

Ari Freyr Skúlason og félagar í OB unnu í kvöld 2-1 sigur í Íslendingaslag á móti Thedódóri Elmari Bjarnasyni og félögum í Randers í dönsku úrvalsdeildinni í fótbolta.

Ari Freyr skoraði fyrsta mark leiksins með langskoti strax á 5. mínútu en OB komst síðan í 2-0 með marki frá Rasmus Falk Jensen sex mínútum síðar. Mads Agesen minnkaði muninn fyrir Randers á 31. mínútu en OB náði að landa sínum öðrum sigri í röð.

Ari Freyr Skúlason og Theódór Elmar Bjarnason spiluðu allan leikinn með sínum liðum en þau voru jöfn að stigum fyrir leikinn í 7. og 8. sæti deildarinnar.

FC Kaupmannahöfn skoraði tvö mörk á síðustu fimm mínútum þegar liðið vann 2-0 útisigur á Viborg. Rúrik Gíslason var í byrjunarliði FCK en var tekin af velli á 66. mínútu þegar staðan var ennþá markalaus.

Nicolai Jörgensen og Thomas Kristensen skoruðu mörk FCK í leiknum en mark Kristensen kom úr vítaspyrnu.