Ragnar lék allan leikinn fyrir FC Krasnodar

Íslenski landsliðsmaðurinn Ragnar Sigurðsson lék allan leikinn fyrir FC Krasnodar sem tapaði 1-3 fyrir Lokomotiv Moskvu á heimavelli í rússnesku úrvalsdeildinni í dag. Þetta var þriðji leikurinn í röð sem Ragnar er í byrjunarliði Krasnodar, en hann gekk til liðs við félagið frá FCK í Danmörku í janúar.

Aleksey Miranchuk kom gestunum yfir eftir aðeins sex mínútna leik, en Brasilíumaðurinn Joaozinho jafnaði leikinn fyrir Krasnodar á lokamínútu fyrri hálfleiks. Það var síðan Aleksandr Samedov sem tryggði Lokomotic sigurinn með tveimur mörkum í uppbótartíma, en fyrr í leiknum hafði hann misnotað vítaspyrnu.

Með jafnteflinu minnkaði Lokomotiv Moskva forskot Zenit frá Pétursborg á toppi deildarinnar niður í þrjú stig. Krasnodar situr hins vegar í 6. sæti, einu stigi á eftir Spartak Moskvu sem er í því fimmta, en sæti 3.-5. gefa þátttökurétt í Evrópudeildinni.