Svíþjóð: Arnór og félagar sneru taflinu við

Arnór Smárason og félagar í Helsingborg sneru taflinu við í 4-2 sigri á Hacken á heimavelli í sænsku úrvalsdeildinni í fótbolta í dag. Arnór er því kominn á blað á þessu tímabili í sænsku úrvalsdeildinni.

Á fimmtán mínútum snerist leikurinn úr höndum Hacken, liðið breytti stöðunni úr 0-1 í 2-1 áður en Leonard Zuta fékk rautt spjald eftir aðeins 25 mínútur. Leikmenn Helsingborg nýttu sér það, Arnór Smárason jafnaði metin í upphafi seinni hálfleiks áður en David Accam kom Helsingborg yfir. Elias Andersson gerði endanlega út um leikinn í uppbótartíma og tryggði fyrstu stig Helsingborg á tímabilinu. 

Kristinn Steindórsson og Guðjón Baldvinsson voru báðir í byrjunarliði Halmstad en náðu ekki að setja mark sitt á leikinn í 0-0 jafntefli gegn Norrkoping á heimavelli. Halmstad er því komið með stig á töfluna en liðið hafði tapað báðum leikjum sínum á tímabilinu fram að þessu.