Maradona: Hvernig geta menn sagt þetta

Diego Maradona er allt annað en hrifinn með þá ákvörðun FIFA að afhenda Brasilíumanninum sérstakan Heiðursgullbolta á dögunum og segir að Pele verði að fara að sætta sig við það að hann verði alltaf næstbestur.

Maradona og Pele hafa verið duglegir að gagnrýna hvorn annan í fjölmiðlum en knattspyrnuáhugamenn hafa lengi deilt um það hvor þeirra sé besti knattspyrnumaður sögunnar.

Pele fékk Gullboltann frá FIFA en suður-amerískir leikmenn áttu ekki möguleika á því að vinna þessi virtu verðlaun þegar Pele var leikmaður. Þá fór Gullboltinn bara til evrópska leikmanna.

„Hvernig geta menn sagt það að Pele hafi fengið Gullboltann á undan mér. Ég fékk Gullbolta fyrir framlag mitt til fótboltans frá France Football árið 1996. Það eru stór mistök hjá FIFA að láta það líta þannig út að Pele hafi fengið slík heiðursverðlaun á undan mér," segir Maradona.

„Það er mitt mat að Pele verður alltaf næstbestur þegar hann er borinn saman við Maradona. Það má líka vekja athygli á því að hann líka í öðru sæti meðal fremstu íþróttamanna  brasilísku þjóðarinnar og þá á eftir formúlukappanum Ayrton Senna," sagði Maradona við blaðamenn.

„Pele verður alltaf í 2. sæti hvort sem það er í alþjóðlegum fótbolta en í brasilískum íþróttum. Það sorglega er að það mun aldrei breytast," sagði Maradona kokhraustur.