Gerrard er heill heilsu

„Ég veit ekki hvaðan þessar fréttir koma,“ sagði Roy Hodgson landsliðsþjálfari Englands aðspurður á blaðamannafundi enska landsliðsins í dag hvort fyrirliði liðsins, Steven Gerrard væri að glíma við meiðsli.

Sögur bárust af því að fyrirliðinn ætti við meiðsli í nára að stríða en Hodgson kannaðist ekki við slíkt.

„Steven æfði aukalega eftir æfinguna í gær og ég skil ekki hvaðan þessar sögur koma.“

Þá útilokaði Hodgson að Oxlade-Chamberlain myndi spila gegn Ítalíu en útilokaði ekki að hann gæti tekið þátt gegn Úrúgvæ.

„Endurhæfingin gengur vel, hann hefur æft vel en ákvörðunin verður unnin í samvinnu við sjúkraþjálfarana. Þeir vonast til þess að hann geti tekið þátt í leiknum gegn Úrúgvæ,“ sagði Hodgson.