Frændi Scolari lést í bílslysi

HM í Brasilíu hefst á fimmtudag en Luis Felipe Scolari, landsliðsþjálfari gestgjafanna, fékk hörmulegar fréttir í dag.

Tarcisio Joao Schneider, 48 árs gamall frændi Scolari, lést í bílslysi í dag eftir árekstur við vörubíl. Slysið átti sér stað í Passo Fundo, heimabæ Scolari, samkvæmt frásögn lögreglu.

Í síðasta mánuði fylgdi Scolari mági sínum til grafar en þessi 65 ára gamli þjálfari stýrir liði Brasilíu gegn Króatíu í opnunarleik HM á fimmtudag.

Scolari gerði Brasilíu að heimsmeistara árið 2002 en hefur einnig þjálfað portúgalska landsliðið og Chelsea í Englandi.