Skammtað eftir kynjum í Brasilíu

Karlmenn fá heimild til þess að kaupa þrjá bjóra en konur fá aðeins að kaupa tvo í hvert skipti á leikvöngum Heimsmeistaramótsins í sumar.

Gefin hafa verið út skýr tilmæli til þeirra sem vinna á völlunum út um alla Brasilíu. Aðilum er ekki heimilt að koma og kaupa mikið magn af bjór í hvert skipti heldur verður þeim skammtað.

Þá verður starfsmönnum gert skylt að hafna mönnum um þjónustu ef þeir eru bersýnilega of ölvaðir.

Er áætlun skipuleggjanda að þetta muni draga úr ölvun á leikjum og með því ofbeldi af hálfu stuðningsmanna sem fylgir oft stórmótum. Fótboltaáhorfendum leiðist mörgum hverjum ekki bjórdrykkja, hvað þá þegar komið er á stórmót í fótbolta í háum hita.

Forseti Brasilíu, Dilma Rousseff, ákvað að aflétta bjórbanni á fótboltavöllum landsins á dögunum en það var háð skilyrðum. Var það gert undan pressu FIFA en knattspyrnusambandið er með samninga við bjórfyrirtækin Budweiser og Brahma.