Vopnahlé hefst í dag

Skrifað hefur verið undir bráðabirgðasamkomulag um vopnahlé í friðarviðræðum stjórnvalda í Úkraínu og uppreisnarmanna.

Viðræðurnar hófust í morgun í Hvítarússlandi. Þetta hefur Petró Pórósjenkó, forseti Úkraínu, staðfest í fjölmiðlum ytra. Hann segir ennfremur að vopnahlé hefjist klukkan tvö í dag.

Viðræður um vopnahlé í austurhluta Úkraínu fóru fram í Minsk í Hvítarússlandi í dag milli Úkraínustjórnar og aðskilnaðarsinna með þátttöku Rússa, sem neita því enn að hermenn þeirra taki þátt í hernaði gegn stjórnarher Úkraínu og að þeir sjái aðskilnaðarsinnum fyrir vopnum.