Fá tólf þúsund fyrir fundinn

Borgarráðsfulltrúar Framsóknar og flugvallarvina lögðu fram fyrirspurn á fundi borgarráðs þann 14. ágúst síðastliðinn um hvernig greiðslum til aðila sem sitja í nefndum borgarinnar sé háttað.

Í svörum frá Reykjavíkurborg frá 29. september kemur fram að misjafnt sé eftir nefndum hvernig greiðslum sé háttað eða hvort greitt sé fyrir setu í nefnd.

Sem dæmi fá fulltrúar í úthlutunarnefnd barnabókaverðlauna, ferlinefnd fatlaðra og þjónustuhóps fatlaðra 12.285 krónur fyrir hvern fund en formaðurinn fær tvöfalda þá upphæð.