Innlent

Icelandair gerir ráð fyrir að flug á morgun verði samkvæmt áætlun

Stefán Árni Pálsson skrifar
Vísir/Anton Brink
Icelandair gerir ráð fyrir að flugáætlun félagsins á morgun, mánudag 12. maí, verði með eðlilegum hætti en þetta kemur fram í fréttatilkynningu frá félaginu.

Vegna verkfallsaðgerða flugmanna félagsins hefur verið mikil röskun á flugi í dag og undanfarna daga. Þannig hefur alls verið fellt niður 51 farþegaflug frá því verkfallsaðgerðir hófust á föstudagsmorgun og um 7 þúsund farþegar, mest erlendir ferðamenn, hafa þurft að breyta ferðum sínum vegna þessa.

Þá varð að fella niður eitt fraktflug með 37 tonnum af ferskum fiski á leið til Bretlands á föstudagskvöld.

Miklar seinkanir hafa einnig verið í flugi félagsins undanfarna daga vegna aðgerðanna.

„Starfsfólk í þjónustuveri, á Keflavikurflugvelli og á flugvöllum erlendis hefur unnið mikið starf við að þjóna þúsundum strandaðra viðskiptavina og gera nauðsynlegar breytingar á ferðatilhögun þeirra, koma þeim fyrir á hótelum og aðstoða þá við áframhaldandi flug.“

Gera hefur þurft miklar breytingar á áætlun félagsins til þess að koma til móts við þarfir farþega.


Tengdar fréttir

Flugmenn tilbúnir til samninga

Formaður Félags íslenskra atvinnuflugmanna segir ekkert til í ásökunum að flugmenn fyrirtækisins stundi skæruaðgerðir.

Ellefu flug felld niður á morgun

Icelandair hefur meðal annars fellt niður flug til Glasgow og Kaupmannahafnar vegna verkfallsaðgerða flugmanna.

Fámenni í Leifstöð á verkfallsdegi

„Með því að tilkynna þetta strax í gærmorgun tókst nú að afstýra annars fyrirsjáanlegu öngþveiti bæði hér og flugvöllum erlendis,“ segir Guðjón Arngrímsson, upplýsingafulltrúi Icelandair.

Mest lesið


Fleiri fréttir

Sjá meira


×

Mest lesið