Flugvöllurinn í Luton rýmdur vegna "grunsamlegs pakka“

Flugvöllurinn í Luton hefur verið rýmdur eftir að „grunsamlegur pakki“ fannst á öryggisleitarsvæðinu skömmu eftir hádegi.

Lögregla í Beckford-skíri segir að farþegar og starfsmenn hafi verið gert að yfirgefa flugvallarbygginguna á meðan pakkinn er rannsakaður.

Öllum þeim flugvélum sem áttu að lenda á flugvellinum hefur verið vísað annað og brottfararfarþegum ráðlagt að hafa samband við flugfélögin. Þá hefur aðkomuleiðin að flugvellinum einnig verið lokuð.

Í frétt BBC segir að mat og drykk hafi verið dreift til farþega á meðan frekari upplýsinga er beðið.

Flugvöllurinn er um 40 kílómetrum norður af miðborg Lundúna.