Alfreð og Emil æfðu ekki

Karlalandslið Íslands í knattspyrnu er mætt til Bern þar sem fyrsta æfing liðsins fyrir leikinn gegn Sviss fór fram í dag.

Alfreð Finnbogason er með sprungu í tábeini og Emil Hallfreðsson glímir við smávægileg meiðsli í hné. Kapparnir æfðu því ekki með félögum sínum í dag heldur voru í meðferð hjá sjúkrateymi landsliðsins.

Veðrið leikur við strákana okkar í Bern. Þar er sólskin og um 25 gráðu hiti. Landsliðið æfir á morgun á Stade de Suisse þar sem leikurinn fer fram á föstudagskvöldið.

Myndir frá æfingu liðsins má sjá á Fésbókarsíðu KSÍ.