Æfðu með appelsínugulan bolta

Íslenska landsliðið í knattspyrnu æfði í gær á Kópavogsvelli en liðið býr sig nú af kappi undir leikinn gegn Króötum á föstudagskvöldið í umspilinu um sæti á heimsmeistaramótinu í Brasilíu sem fram fer á næsta ári.

Veðurspáin hefur farið fram og til baka undanfarna daga og óljóst hvernig mun viðra á Reykvíkinga á leikdegi en leikmenn liðsins eru að búa sig undir hvaða aðstæður sem er.

Íslenska liðið æfði til að mynda með appelsínugulan bolta í gær en það gæti komið til þess að slíkur bolti yrði notaður á Laugardalsvellinum á föstudaginn ef snjókoma er mikil.

Strákarnir í landsliðinu munu taka á móti stuðningsmönnum á öllum aldri í Kórnum í Kópavogi í dag á milli klukkan 17 og 17.30. Þeir munu árita veggspjöld og gefa.