Uppgjör Eurovision

Eins og kunnugt er fór Söngvakeppni evrópskra sjónvarpsstöðva fram á laugardagskvöldið. Danmörk sigraði keppnina með 281 stig og Írland landaði botnsætinu með aðeins 5 stig. Okkar maður Eyþór Ingi þótti standa sig með einstakri prýði, en endaði á að hafna í 17. sæti af 26 mögulegum með 47 stig.

Íslenska lagið fékk 1 stig frá Danmörku, 2 stig frá Bretlandi, 4 stig frá Noregi og Slóveníu, 5 stig frá Finnlandi og Sviss, 6 stig frá Eistlandi, Svíþjóð og Ungverjalandi og loks 8 stig frá Þýskalandi.

Íslensku stigin voru svohljóðandi:

Rússland  1

Frakkland  2

Úkraína  3

Svíþjóð  4

Malta  5

Rúmenía  6

Azerbaijan  7

Holland 8

Noregur  10

Danmörk  12