Billy Cyrus segir dóttur sína hafa þroskast

Söngvarinn Billy Ray Cyrus hrósar dóttur sinni, söngkonunni Miley Cyrus, fyrir að hafa skilið við sjónvarpspersónuna Hönnuh Montana og vaxið sem listamaður. Þetta sagði söngvarinn í viðtalið við Piers Morgan.

„Hún hefði geta verið Hannah Montana til æviloka og þénað vel í því hlutverki, en hún er meiri listamaður en það. Hún vildi þroskast og vaxa,“ sagði Billy Ray Cyrus þegar Morgan spurði hann út í umdeilt myndband Miley Cyrus við lagið Wrecking Ball, en söngkonan kemur fram nakin í myndbandinu.

Söngvarinn sagði dóttur sína gáfaða, unga konu sem ekkert gerir í hugsunarleysi. „Hún elskar vinnu sína og er mjög metnaðargjörn. Það sem skiptir mig mestu máli sem föður, er að dóttir mín sé sátt,“ sagði Cyrus.