Klinsmann með bandaríska landsliðið til 2018

Jürgen Klinsmann hefur skrifað undir framlengingu á samningi sínum sem landsliðsþjálfari og verður einnig yfirmaður knattspyrnumála hjá Knattspyrnusambandi Bandaríkjanna.

Bandaríska liðið leikur í riðli með Þýskalandi, Portúgal og Ghana á HM í Brasilíu næsta sumar. Klinsmann tók við liðinu sumarið 2011 en fær nú aukið hlutverk innan knattspyrnusambandsins.

Bandaríkin hafa unnið 27 leiki, gert 7 jafntefli og tapað 10 af landsleikjum sínum undir stjórn Þjóðverjans. Aron Jóhannsson spilar fyrir landslið Bandaríkjanna.