Barthez verður þjálfari hjá PSG

Vinirnir Laurent Blanc og Fabien Barthez sameinast á ný í þjálfarateymi franska liðsins PSG, samkvæmt fjölmiðlum ytra.

Barthez og Blanc voru samherjar í sigursælu landsliði Frakka á sínum tíma sem og hjá Manchester United. Blanc hafði þá hjátrú að kyssa  hárlaust höfuð markvarðarins fyrir leiki eins og margir muna.

Barthez gegndi stöðu í þjálfarateymi franska landsliðsins þegar Blanc var þjálfari þess og nú stendur til að taka upp samskonar fyrirkomulag hjá PSG.

Barthez mun vinna samhliða markvarðaþjálfaranum Nicolas Dehon og sinna markvörðum félagsins, allt frá aðalmarkverði aðalliðsins niður í yngri flokka.

Eftir að knattspyrnuferlinum lauk hefur Barthez get það gott í kappakstri og varð franskur rallímeistari nú í haust.