Leonardo: Reyndum allt hvað við gátum að kaupa Ronaldo

Leonardo fyrrum íþróttastjóri franksa knattspyrnuliðsins Paris Saint-Germain segir PSG hafa reynt allt sem liðið gat gert til að telja Cristiano Ronaldo á að yfirgefa Real Madrid og ganga til liðs við PSG.

Leonardo segist einnig hafa reynt að kaupa Paul Pogba til PSG og þrátt fyrir að hafa hvorki náð að landa Pogba né Ronaldo þá er Leonardo sannfærður um að hann hafa sett saman besta leikmannahóp Evrópu.

„Pogba er nógu góður til að leika fyrir PSG, engin spurning. Við litum til hans og töldum að hann yrði frábær kaup því hann er einn besti miðjumaður heims,“ sagði Brasilíumaðurinn sem áður þjálfaði bæði Inter og AC Milan.

„Við reyndum líka að kaupa Ronaldo. Ég gerði allt hvað ég gat innan ramma lagana til að fá hann til Parísar en það var ekki mögulegt að fá hann til að yfirgefa Real Madrid.

„Það er ekkert lið með hóp eins og Paris Saint-Germain. Ekkert lið er eins gott sóknarlega. Liðið er með Salvatore Sirigu, Thiago Silva, Thiago Motta, Zlatan Ibrahmovic og svo kom Edinson Cavani til liðsins. Við mildum byggja upp sterka hryggjarsúlu í liðinu. Liðið er tilbúið fyrir núið og fyrir framtíðina,“ sagði Leonardo.