Sela-körfubolti hjá Messi á æfingu

Körfuboltaboltastjörnurnar Kobe Bryant og Lebron James hafa báðir heimsótt  Lionel Messi á æfingar hjá Barcelona en það virðist þó ekki vera ástæðan fyrir því að það er karfa á æfingavellinum hjá Börsungum.

Körfubolti er vinsæll í Argentínu og Argentínumennirnir Lionel Messi og Javier Mascherano sýndu okkur hvernig Börsungar nota körfuna á æfingu á dögunum.

Messi og Mascherano notuðu nefnilega ekki hendurnar þegar þeir spiluðu komu boltanum rétta leið í körfuna heldur spiluðu saman svokallaðan sela-körfubolta.

Að sjálfsögðu var það Lionel Messi sem sá um að setja boltann í körfuna og átti besti fótboltamaður heims ekki í miklum vandræðum með það. Það er hægt að sjá þessa körfu með því að smella hér fyrir neðan.