Amma gamla ruddist inn á völlinn | Myndband

Það var mikil stemning hjá stuðningsmönnum Braga er liðið þeirra vann upp tveggja marka forskot Maritimo og tryggði sér gott stig.

Fyrir vikið fer Braga inn í jólafríið í sjöunda sæti portúgölsku úrvalsdeildarinnar.

Nokkrir stuðningsmenn Braga misstu sig í gleðinni eftir leik og hlupu inn á völlinn til þess að fagna með sínum mönnum. Það er auðvitað stranglega bannað.

Sérstaka athygli vakti eldri kona sem hafði gert sér lítið fyrir og hlaupið inn á en slík sjón er alls ekki algeng.

Hún var nú ekki par hrifin er öryggisverðir fóru að skipta sér af henni eins og sjá má myndbandinu hér að neðan.