Kynlíf samkynhneigðra aftur ólögleg í Indlandi

Hæstiréttur Indlands hefur bannað kynlíf samkynhneigðra í landinu. Samkvæmt 153 ára gömlum lögum er kynlíf einstaklinga af sama kyni „ónáttúrulegt brot“ og er viðlögin allt að tíu ára fangelsisdómur.

Rétturinn sneri við dómi úr lægri rétti frá árinu 2009 sem gerði kynlíf samkynhneigðra löglegt í Indlandi og dómarar sögðu að það væri verkefni þingsins að leggja línurnar í málinu. BBC segir frá þessu.

 

Samkvæmt fréttariturum BBC hafa lögin verið notuð sjaldan, ef einhvern tíman til að lögsækja samkynhneigða, en þau hafa oft verið notuð af lögreglu til að áreita fólk.

Indland er mjög íhaldssamt land og Kapil Sibal, dómsmálaráðherra landsins, sagði að stjórnvöld myndu virða dóminn. Hann tók þó ekki fram hvort stjórnvöld myndu fella hin 153 ára gömlu lög úr gildi.

Stuðningsmenn réttinda samkynhneigðra sögðu dóminn vera sorglegan og að ekki hafi verið von á henni. Trúarhópar hafa hinsvegar fagnað dómnum.

Fréttaritarar BBC segja ekki vera von á nýrri löggjöf um réttindi samkynhneigðra, því næsta ár sé kosningaár.