Ósanngjarnt að Real fái að safna skuldum

Ottmar Hitzfeld, landsliðsþjálfari Sviss, skilur ekkert í því af hverju Real Madrid sé leyft að safna skuldum. Hann segir það vera ósanngjarnt.

Real Madrid keypti leikmenn fyrir 181 milljón evra síðasta sumar og seldi fyrir 67 milljónir. Félagið skuldar engu að síður um 500 milljónir evra.

"Að Real Madri hafi getað eytt öllum þessum peningum í Gareth Bale er óskiljanlegt. Ég skil ekki að félagi sé leyft að safna svona miklum skuldum. Það er hreinlega ósanngjarnt að Real fái að haga sér svona," sagði Hitzfeld en hann vill að Real taki sitt gamla félag, Bayern, til fyrirmyndar.

"Bayern er heilbrigt félag sem skuldar ekki neitt. Félagið kaupir aðeins leikmenn ef það hefur efni á því. Það er ekki hægt að bera rekstur þessara félaga saman."