Eiður Smári leikmaður vikunnar í Belgíu

Eiður Smári Guðjohnsen þótt eiga góðan leik þegar að lið hans, Club Brugge, vann 3-0 sigur á Mechelen um liðna helgi.

Lesendur sport.be völdu Eið Smára sem besta leikmann vikunnar í belgísku úrvalsdeildinni en Eiður Smári skoraði eitt mark í leiknum auk þess að leggja það þriðja upp.

Eiður fékk 33,12 prósent atkvæðanna en Junior Dutra, sóknarmaður hjá Lokeren, var við hæla okkar manns með 32,96 prósent.

Club Brugge er í öðru sæti deildarinnar með 39 stig að loknum átján umferðum, tveimur stigum á eftir Standard Liege. Liðið mætir Charleroi á útivelli á sunnudagskvöld.