Platini reyndi að ögra mér

Cristiano Ronaldo hefur gefið til kynna að hann muni mögulega sniðganga athöfn Alþjóðaknattspyrnusambandsins, FIFA, þegar að knattspyrnumaður ársins verður útnefndur.

Ronaldo, sem leikur með Real Madrid, þykir einna líklegastur til að verða fyrir valinu í ár en þeir Lionel Messi og Franck Ribery koma einnig sterklega til greina.

Atkvæðisrétt hafa landsliðsþjálfarar og -fyrirliðar sem og hópur blaðamanna. Nýverið var ákveðið að gefa lengri frest til að skila atkvæðum sínum en Michel Platini, forseti Knattspyrnusambands Evrópu, sagði í gríni að það hefði verið gert til auka líkurnar á því að Ronaldo verði valinn.

„Þetta gerðist einmitt á þeim tíma þegar að Portúgal komst á HM,“ sagði Platini en Ronaldo skoraði fjögur mörk í 4-2 samanlögðum sigri Portúgals á Svíþjóð í umspilinu fyrir HM 2014.

„Ég held að hann hafi reynt að ögra mér. Ég ætla ekki að svara þessu,“ sagði Ronaldo sem er nú staddur á eyjunni Madeira til að vera viðstaddur opnun safns um sig.

„Kannski verð ég í Zürich eða á Spáni þegar verðlaunin verða afhend ... eða á Madeira.