Zlatan með tvö mörk og tvær stoðsendingar í stórsigri PSG

Zlatan Ibrahimovic skoraði tvö síðustu mörkin og lagði upp tvö önnur þegar Paris Saint-Germain vann 5-0 stórsigur á botnliði Sochaux í frönsku úrvalsdeildinni í fótbolta í kvöld.

Thiago Silva, Ezequiel Lavezzi og Édinson Cavani komu PSG í 3-0 og Zlatan gekk síðan frá leiknum með því að skora tvö mörk á síðustu fjórum mínútunum.

Paris Saint-Germain er með fjögurra stiga forskot á Lille sem á leiki inni á morgun. PSG hefur skoraði 21 marki meira en Lille.

Zlatan Ibrahimovic hefur skorað 13 mörk og gefið 7 stoðsendingar í 16 deildarleikjum Paris Saint-Germain á leiktíðinni þar á meðal 8 mörk í síðustu fimm leikjum sínum.

Zlatan Ibrahimovic hefur tveggja marka forskot á liðsfélaga sinn Edinson Cavani en þeir eru tveir markahæstu leikmenn deildarinnar.