Gunnar Heiðar og félagar misstu frá sér sigurinn

Gunnar Heiðar Þorvaldsson og félagar í Konyaspor töpuðu 1-2 á útivelli á móti Akhisar Belediyespor í tyrknesku úrvalsdeildinni í fótbolta í dag.

Konyaspor og Akhisar Belediyespor voru jöfn að stigum í 11. og 12. sæti deildarinnar fyrir leikinn en Akhisar Belediyespor hoppaði upp í áttunda sætið með þessum sigri.

Konyaspor komst í 1-0 með skallamarki Tékkans Tomas Borek eftir hornspyrnu á 20. mínútu og þannig var staðan þangað til á 62. mínútu þegar Bruno Mezenga jafnaði metin. Baye Oumar Niasse skoraði síðan sigurmark Akhisar Belediyespor tíu mínútum fyrir leikslok.

Gunnar Heiðar var í byrjunarliðinu annan leikinn í röð og spilaði allan leikinn alveg eins og í sigrinum á Rizespor um síðustu helgi þar sem hann lagði upp annað mark liðsins.

Gunnar Heiðar spilaði í dag sem fremsti maður í leikkerfinu 4-3-3 en markaskorarinn Tomas Borek var að spila fremst á miðjunni.