Aron enn og aftur á skotskónum

Afmælisbarn dagsins, Aron Jóhannsson skoraði bæði mörk AZ Alkmaar í 2-2 jafntefli gegn Feyenoord í hollensku úrvalsdeildinni í dag.

AZ kemst upp í annað sætið í Eredivisie  með jafnteflinu, stigi á eftir toppliði Vitesse.

Aron skoraði fyrsta mark leiksins eftir góðan undirbúning frá Jóhanni Berg. Feyenoord svaraði með tveimur mörkum áður en Aron jafnaði metin í upphafi seinni hálfleiks af vítapunktinum.

Aron var tekinn af velli rétt fyrir lok leiksins en Jóhann Berg spilaði allan leikinn.