Berglind Björg fékk að finna fyrir því

Knattspyrnukonan Berglind Björg Þorvaldsdóttir fékk svo sannarlega að finna fyrir því í leik með Florida State háskólanum á dögunum.

Berglind fékk sendingu fram völlinn og elti boltann þegar varnarmaður kom á móti henni. Í stað þess að leika boltanum fór varnarmaðurinn af miklum krafti inn í Berglindi sem lá eftir á vellinum.

Engin aukaspyrna var dæmd en dómarinn stöðvaði leik eftir þó nokkra stund þegar ljóst var að Berglindi hafði orðið meint af högginu. Atvikið má sjá hér að neðan.