Frítt inn á beina útsendingu frá landsleiknum í Laugardalshöll

Frítt verður inn á beina útsendingu frá landsleik Íslands gegn Króatíu í Laugardalshöll á föstudag. Leikurinn verður sýndur við bestu aðstæður á báðum hæðum í anddyrinu. Þetta kemur fram í tilkynningu frá Þrótturum sem standa að viðburðinum.

Upphaflega var planið að sýna frá leiknum á risaskjá inni í aðalsal Laugardalshallar. Ekki reyndist nægilega mikill áhugi framan af viku til að hægt væri að leigja stóra salinn. Auk þess er sú áhætta fyrir hendi að fresta þurfi leiknum til laugardags en þá er ekki hægt að leigja stóra salinn.

Útsending frá leiknum hefst kl. 18.45 en upphitunin hefst í Höllinni kl. 16 og verður þétt dagskrá í boði frá 17.30.

Upphitun fyrir útsendingu og leik

Það eru Köttarar, hinir síglöðu stuðningsmenn Þróttar, sem eru í hlutverki gestgjafa eins og fyrir síðustu heimaleiki íslenska landsliðsins. Stuðningsmenn landsliðsins hafa tekið því fagnandi að geta mætt snemma í Laugardalinn til að stilla saman strengi sína: ú geta allir hitað upp saman, þeir sem eiga miða á völllinn og hinir sem ætla að horfa á hann í Höllinni.

DAGSKRÁIN

16.00 Húsið opnar. Hamborgarabíll Priksins kveikir upp í grillinu og seldir verða drykkir. Sölubás Áfram Ísland með fjölbreytt framboð af landsliðsvörum.

17.30 Gunnar á völlum setur gleðina.

17.45 Töflufundur

18.00 Hraðfréttir.

18.25 Útsending frá leiknum hefst en hluti upphitunar fyrir leikinn verður sendur út úr Höllinni.

18.45 Flautað til leiks.

20.55 Að leik loknum. Sýnt frá uppgjöri leiksins.

22.00 Húsið lokar.