Theodór Elmar vann Íslendingaslaginn gegn Hallgrími

Theodór Elmar Bjarnason og félagar í Randers unnu góðan sigur, 3-1, á SønderjyskE í dönsku úrvaldsdeildinni í knattspyrnu en með SønderjyskE leikur Hallgrímur Jónasson.

Theodór Elmar lék allan leikinn í liði Randars en Hallgrímur fór af velli þegar fimm mínútur lifðu leiks.

Gestirnir í Randers komust í 2-0 í leiknum en heimamenn minnkuðu muninn í 2-1. Það var síðan Ronnie Schwartz sem innsiglaði góðan útisigur hjá Randers átta mínútum fyrir leikslok.

Randers er í sjötta sæti deildarinnar með 18 stig en SønderjyskE í því neðsta með 11 stig.