Sex félög neita að spila nema að hún fari í kynjapróf

Park Eun-Seon, markahæsti leikmaður suður-kóresku kvennadeildarinnar í fótbolta, er umdeildasti íþróttamaður Suður-Kóreu þessa dagana. Sex lið í deildinni heimta nefnilega að hún gangist undir kynjapróf.

Park Eun-Seon fór í kynjapróf fimmtán ára gömul og stóðs það. Hún er núna 26 ára gömul og sex félög í deildinni hóta því að vera ekki með á þessu tímabili nema að hún fari aftur í kynjapróf.

Park Eun-Seon var markahæsti leikmaður suður-kóresku deildarinnar á síðustu leiktíð með 19 mörk í 22 leikjum.

Kim Joon-Soo, yfirmaður íþróttadómstólsins í Seoul, segir að Park verði ekki þvinguð í kynjapróf nema ef að FIFA blandi sér í málið.

Park Eun-Seon er mjög sár yfir þessu máli sem hefur breyst í fjölmiðlafár á augabragði. Hún skrifaði inn á fésbókarsíðu sína að hún hafi upplifað mikla niðurlægingu. Hún segist þar hafa farið mörgum sinnum í kynjapróf og meðal annars fyrir bæði HM og Ólympíuleika.