Þrenna hjá Alfreð

Eftir þriggja leikja markaþurrð komst Alfreð Finnbogason aftur á blað hjá Heerenveen í kvöld er liðið vann heimasigur, 5-2, gegn RKC Waalwijk. Hann gerði gott betur því íslenski landsliðsmaðurinn skoraði þrennu í leiknum.

Kenneth Otigba kom Heerenveen yfir í fyrri hálfleik og Alfreð skoraði svo annað markið í upphafi síðari hálfleiks. Það kom úr vítaspyrnu.

Markið virðist hafa kveikt í okkar manni því Alfreð skoraði sitt annað mark á 64. mínútu. Hann lét ekki þar við sitja og fullkomnaði þrennuna með sínu öðru vítaspyrnumarki ellefu mínútum fyrir leikslok.

Alfreð þar með búinn að skora 14 mörk í hollensku úrvalsdeildinni þar sem hann er markahæstur. Heerenveen er í níunda sæti deildarinnar.

Frammistaða Alfreðs lofar heldur betur góðu fyrir komandi leiki gegn Króötum. Hann verður vonandi í sama stuði þá.