"Smánarlegt og skammarlegt“

Birgitta Jónsdóttir, þingflokksformaður Pírata, segir það skammarlegt að krabbameinssjúklingar þurfi að greiða mörg hundruð þúsund krónur fyrir spítalameðferð. Þetta kom fram í máli þingmanns í umræðu um fjárlagafrumvarp ríkisstjórnarinnar.

Birgitta sagðist hafa þungar áhyggjur af niðurskurði í mennta- og heilbrigðismálum. Hún vonast til þess að ríkisstjórnin falli frá fyrirhuguðu legugjaldi á spítölum og sagði að gjaldið væri óréttlátt. „Það er smánarlegt og skammarlegt að við búum í þannig samfélagi að við tökum þátt í að greiða skatta til samfélagsins og það sé orðið þannig að það kosti mörg hundruð þúsund að fara í krabbameinsmeðferð,“ sagði Birgitta.