Rúnar: Breiður hópur lagði grunninn

„Það var í raun aðeins meiri ró yfir liðinu í dag, meira stress fyrir leikinn gegn Blikum á fimmtudaginn,“ segir Rúnar Kristinsson, þjálfari KR, eftir að liðið hafði tryggt sér Íslandsmeistaratitilinn árið 2013.

KR vann Val 2-1 að Hlíðarenda og eru því Íslandsmeistarar fyrir lokaumferðinni. KR á reyndar tvö leiki eftir.

„Liðið lék virkilega vel í fyrri hálfleiknum í dag og lagði gruninn að þessum sigri þá. Ég var ekki sáttur þegar Valsmenn minnkuðu muninn og þetta stóð nokkuð tæpt á tíma, þar sem Valsmenn voru sterkari aðilinn í síðari hálfleiknum.“

„Það sem leggur grunninn að þessum titli er ótrúleg liðsheild. Menn eru alltaf tilbúnir að fórna sér fyrir hvorn annan. Það þurfa alltaf einhverjir góðir leikmenn að sitja á varamannabekknum og fá færri tækifæri en aðrir og menn þurfa bara að bíta í það súra epli. Það hefur alveg komið upp að leikmenn verði pirraðir en svona breiður hópur er að skila KR Íslandsmeistaratitlinum  í ár.“

Hægt er að sjá viðtalið hér að ofan.