Töluverður viðbúnaður við Hæstarétt vegna Annþórs og Barkar

Töluverður viðbúnaður er við Hæstarétt þar sem tekið er fyrir mál gegn Berki Birgissyni og Annþóri Kristjáni Karlssyni.

Fjöldi lögreglumanna gætir hússins en Börkur og Annþór komu í fylgd fangavarða rétt áður en dómur var settur klukkan níu í morgun.

Annþór og Börkur voru í desember dæmdir í sjö ára og sex ára fangelsi fyrir hættulegar líkamsárásir, nauðung, fjárkúgun, frelsissviptingu og hótanir. Þeir eru báðir vistaðir á Litla-Hrauni.

Enn á eftir að dæma í máli þar sem þeim er gefið að sök að hafa veist að samfanga sínum á Litla-Hrauni og veitt honum högg á kvið með þeim afleiðingum að hann lést. Upptaka úr öryggismyndavél á Litla-Hrauni sýndi að Annþór og Börkur fóru inn í klefa hins látna skömmu áður en hann lést.