Hafnaði lögbannsbeiðni

Sýslumaðurinn í Reykjavík hefur hafnað beiðni um lögbann vegna framkvæmda við lagningu vegar í Gálgahrauni í Garðabæ. Fjögur náttúruverndarsamtök fóru fram lögbannið.

Synjun sýslusmanns byggist því að samtökin fjögur, sem að beiðnninni stóðu, hafi ekki lögvarða hagsmuni í málinu.

„Umhverfisverndarsamtök á Íslandi gegna veigumiklu samfélagslegu hlutverki við hagsmunagæslu í þágu ósnortinnar náttúru og umhverfisverndar. Í þeim þjóðréttarlegum skuldbindingum sem Ísland hefur undirgengist, s.s. með EES-samningnum og með fullgildingu Árósasamningsins, er þetta hlutverk viðurkennt og þar á meðal nauðsyn þess að umhverfisverndarsamtök hafi greiðan aðgang að réttarúrræðum og réttlátri málsmeðferð.

Mál þetta er prófsteinn á aðgang umhverfisverndarsamtaka að réttarúrræðum í málum sem þessum. Hefur EES-samningnum verið breytt síðustu ár í þá veru að tryggja þennan rétt umhverfisverndarsamtaka. Á þeim grunni meðal annars hefur synjun sýslumanns þegar verið kærð til úrlausnar héraðsdóms,“ segir í tilkynningu frá lögmannsstofunni Málþingi.