Hreinn meiri­hluti Vegvísis

Í Strandabyggð voru alls 351 á kjörskrá og greiddu 301 atkvæði sem gerði kjörsókn 85,8 prósent. Fimmtán seðlar voru auðir og tveir ógildir samkvæmt tilkynningu.

G-listi Vegvísis hlaut 141 atkvæði eða 49,6 prósent og þar af leiðandi þrjá kjörna fulltrúa.

B-listi Framsóknar og óháðra hlaut 74 atkvæði, 26,1 prósent, og einn fulltrúa.

T-listi Strandabandalagsins, sem bar sigur úr býtum árið 2022, hlaut 69 atkvæði sem gera 24,3 prósent atkvæða. Þeir fá einn kjörinn fulltrúa.

Kjörnir fulltrúar eru:

• Hrafnhildur Þorsteinsdóttir (G)
• Jón Örn Haraldsson (G)
• Kjartan Jónsson (G)
• Sigurbjörn Rafn Úlfarsson (B)
• Þorgeir Pálsson (T)