Barkley og Townsend valdir í enska landsliðið

Ross Barkley, leikmaður Everton, og Andros Townsend hjá Tottenham voru í dag valdir í enska landsliðið í knattspyrnu. Markvörður Celtic, Fraser Forster, er einnig nýliði í hópnum.

Enska liðið á fram undan leiki gegn Moldavíu og Úkraínu í undankeppni HM 2014.

Barkley er aðeins 19 ára en Townsend er 22 ára. Hinn 18 ára gamli Raheem Sterling, leikmaður Liverpool, var einnig valinn í liðið á nýjan leik.

Rickie Lambert, hetja liðsins gegn Skotum, heldur sæti sínu í hópnum.

Enski hópurinn:

Markverðir: Fraser Forster, Joe Hart, John Ruddy

Varnarmenn: Leighton Baines, Gary Cahill, Ashley Cole, Phil Jagielka, Glen Johnson, Phil Jones, Chris Smalling, Kyle Walker

Miðjumenn: Ross Barkley, Michael Carrick, Tom Cleverley, Steven Gerrard, Frank Lampard, James Milner, Raheem Sterling, Andros Townsend, Theo Walcott, Jack Wilshere

Framherjar: Jermain Defoe, Rickie Lambert, Wayne Rooney, Daniel Sturridge, Danny Welbeck, Ashley Young