Haukur Þór í 18 mánaða fangelsi

Hæstiréttur staðfesti í dag átján mánaða fangelsisdóm yfir Hauki Þór Haraldssyni, fyrrverandi framkvæmdastjóra hjá Landsbankanum, fyrir fjárdrátt.

Haukur Þór starfaði hjá Landsbankanum fyrir hrun og var sakfelldur fyrir að hafa strax eftir hrun Landsbankans millifært 118 milljónir króna af reikningi félagsins NBI Holdings Ltd. 8. október 2008 inn á eigin reikning.

Þetta er í þriðja sinn sem Hæstiréttur fær dóm héraðsdóms til sín, en Hæstiréttur hefur ógilt dóminn tvisvar og vísað málinu aftur til efnismeðferðar í héraði.

Auk þess að þurfa afplána átján mánaða fangelsisdóm þar Haukur Þór að greiða tvo þriðju hluta áfrýjunarkostnaðins, sem í heild nemur rúmlega 1,3 milljónum.