Innlent

Undarlegt ástand í Kolgrafafirði

Gissur Sigurðsson skrifar
Súlurnar stinga sér svo langt eftir ætinu að margar þeirra vængbrotna.
Súlurnar stinga sér svo langt eftir ætinu að margar þeirra vængbrotna.
Enn eitt náttúruundrið virðist vera í uppsiglingu í Kolgrafafirði. Þar eru nú saman komnar súlur í þúsunda tali og stinga sér svo þétt eftir ætinu, að margar vængbrotna í hamagangnum, og enginn veit af hverju síld er nú í firðinum.

Súlugerið fór að þéttast í fyrradag og er mönnum ráðgáta hvernig á því stendur og það í þessu magni, því súlan á að vera sest upp við varp. Síldin inni á firðinum er ekki síður ráðgáta því hún ætti að vera  komin úr vetrardvalanum og út í hafið í ætisleit. Þá virðast háhyrningarnir, sem hafa haldið sig á Grundarfiðri og utan við Kolgrafafjörð í síldarveislu síðustu vikurnar, vera horfnir, en þess í stað hafa smáhveli eins og hnýsur og höfrungar hópast á svæðið og þeir synda undir brúnna og alveg inn á fjörðinn, sem háyrningarnir gera ekki.

Bjarni Sveinbjörnsson bóndi á Eiði við fjörðinn, segir að þessa stundina sé mörgum spurningum ósvarað um ástandið í firðinum. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.