Hera Björk tilbúin fyrir stóru stundina

"Ég var að klára hljóðprufu og það gekk svona ljómandi vel. Albert Hammond var að hljóðprufa á undan mér og þegar hann byrjaði á laginu It newer rains in Southern California þá stökk ég fram og tók af honum mynd. Hann varð pínu kjálalegur og fipaðist í laginu. Elton John kom svo stuttu síðar til að prufa sig á sviðinu," sagði Hera Björk sem syngur lagið Because You Can í úrslitunum í alþjóðlegri söngkeppni sem nefnist Vina del Mar í Chile í kvöld.

Heimsfrægir skemmtikraftar

Dagskrá kvöldsins er þannig að fyrst stígur Elton John á svið, svo skemmtir ónefndur grínisti, síðan syngur Albert Hammond, sem er einn af dómurum keppninnar og svo hefst sjálf söngvakeppnin. Þá kemur í ljós hvert sigurlagið verður og hver verður flytjandi hátíðarinnar en það eru verðlaunin sem eru í boði í keppninni. Þau gætu lent bæði á sömu hendi eða á tveimur atriðum.



Keppnin góður stökkpallur

Lag Heru Bjarkar, Because You Can, er nú þegar farið að hljóma mikið í útvarpi í Chile en stærsta útvarpsstöðin þar spáir laginu sigri í kvöld. Ísland hefur verið mikið í umræðunni og er nú á lista yfir mest umtöluðu orðin á Twitter eftir gærkvöldið og er enn á listanum í dag fyrir Chile og nokkur önnur Suður Ameríku lönd. Nokkuð margir þekktir listamenn hafa hafið sinn alþjóðlega feril í gegnum þessa söngkeppni eins og Julio Iglesias, Shakira, Gloria Trevi og Richie Valens en ekkert af þeim vann keppnina á sínum tíma.

Margir spá Heru sigri

Hera mun mæta Kelly King frá USA og Marlys frá Panama í úrslitunum í kvöld og stendur baráttan líklegast á milli Kellyar og Heru. Fleiri fjölmiðlar spá því að Hera vinni keppnina en þá er sumir sem spá Kelly sigri. Enginn fjölmiðill hefur spáð Marlys sigrinum.

Hægt er að fylgjast með útsendingunni á þessari slóð.

Kjóstu Heru Björk hér (stór útvarpsstöð í Chile).