Nauðsynlegt fyrir skýra hugsun, hressleika og liðleika

 

Kókosolía

"Ég þríf andlitið með henni á hverju kvöldi. Set hana út í drykki á morgnana og steiki úr henni á pönnu. Þessi olía er svo dásamleg; gerir húðina silkimjúka, ilmar vel og bragðast vel."

Penzim gel

"Gelið nota ég á andlitið á hverjum morgni. Einnig á þau svæði sem ég ætla að skella brúnkukremi á. Einfaldlega besta dagkrem sem ég hef kynnst. Er með þurra húð og þurfti alltaf áður fyrr að bera á hana öðru hverju. Steinhætt því."

Kaffikorgur, hrásykur, hunang og jómfrúarolía

"Kaffikorgur, hrásykur, hunang og jómfrúarolía. Náttúrlegt og ódýrt kornakrem sem dóttir mín lærði að búa til í sumarbúðum. Hægt að nota á hendur og andlit og skola svo burt. Hver vill ekki ilma eins og kaffi í smá tíma?" segir hún hlæjandi.

Íslenska vatnið

"Stórt vatnsglas með safa úr hálfri sítrónu er það fyrsta sem ég set inn fyrir mínar varir á morgnana. Drekk mikið af vatni, heitu og köldu, og líður afar vel í vatni og í námunda við það."

Lýsi og Omega 3

"Lýsi og Omega 3 er nauðsynlegt fyrir skýra hugsun, hressleika og liðleika. Líka fyrir hjartað og æðakerfið. Þetta þarf að virka allt saman til að njóta lífsins til fulls."