Syngjandi og sælir krakkar víða um borg

Í dag er öskudagur og eru börn þegar farin á stjá til að syngja fyrir gesti og gangandi víðsvegar á höfuðborgarsvæðinu. Fjöldi barna hefur, til að mynda, heimsótt útibú Arion banka það sem af er degi, sungið fyrir starfsfólk og viðskiptavini.

Krakkarnir hafa fengið að launum Andrésblað sem sérstaklega var hannað til að gefa syngjandi kátum krökkum. Í tilkynningu frá bankanum segir að fjölmargir skemmtilegir búningar hafi sést í útibúum bankans í dag.

Vísir hvetur foreldra sem hafa tekið myndir af börnunum sínum, í tilefni dagsins, til þess að senda myndirnar á Vísi, á netfangið ritstjorn@visir.is. Myndirnar verða síðan birtar á vefnum í sérstakri myndaröð.