Egill segir atburðarásina afbakaða

„Hvernig bregst maður við hatursherferð í fjölmiðlum? Ég kann ekki neina góða leið til þess,“ skrifar Egill Einarsson, betur þekktur sem Gillzenegger, í ítarlegri og langri aðsendri grein á vefmiðilinn Pressuna í dag.

Þar fer hann ítarlega yfir nauðgunarkæru sem barst honum og kærustu hans fyrir tæplega tveimur árum síðan. Ríkissaksóknari gaf ekki út ákæru í málinu.

Í pistlinum segir Egill að hann hafi haldið sig til hlés „í  von um að öldurnar lægði þegar lögreglurannsókn leiddi í ljós sakleysi mitt og unnustu minnar en þrátt fyrir að öll gögn málsins styðji frásögn okkar Guðríðar linnti ekki ásökunum allskonar fólks sem veit ekkert um málið nema úr fjölmiðlum. Ég hef fundið mig tilneyddan að leita til dómstóla vegna ærumeiðinga en jafnvel þótt ég vinni þau mál þá bætir það ekki þann mannorðsskaða sem ég hef orðið fyrir," skrifar hann.

Segir hann að eftir að viðtal við Guðnýju Rós í Nýju lífi á dögunum, sjái hann ekki aðra leið í stöðunni enn að "svara ósannindum með sannleikanum.  Leggja gögnin á borðið, þau sem til eru. Sannleikurinn er sá að það er rétt að atburðir þessa kvölds hófust með því að Guðríður og Guðný Rós voru að spjalla saman á skemmtistaðnum Austur. Nánast allt sem Guðný Rós greinir frá eftir það er ýkt, afbakað eða beinlínis rangt og það sem meira er, Þóra Tómasdóttir (ritstjóri Nýs lífs) veit það því hún hefur séð málsgögnin."

Pistil Egils má lesa hér.